العنف النفسي ضد الازواجقلنا واعلنا اعجابنا صراحه وبالميكروفون في الماكل والمشرب والملبس.وكان الرد...علشان تقدروا...اياك يتمر.. انت كل مره هتقولي الكلمتين دول.ولا يوجد اوامر انما توسلات وقبل تحيه الصباح بنقول لو سمحتي صباح الخير.فيكون الرد من البلعوم..اهلا..اول مره تشوفني..يافتاح ياعليم..ودايما الراجل علي سنجه عشره ومشرق وكامل الشناوي اقصد كامل الاوصاف تلاقي الرد..خير مش عادتك..مش قلنا خلي الهدوم دي للخروج..هو انت تعبان في غسيلها..قلنا نتقي الله فيهن ونصبر ونبلع افتكروها ضعف واستعمرونا..مشينا بجوارهن جنبي اتهري ضرب بالكوع عند النظر لاي حاجه حلوه عايزينا نمشي زي العربي الخسران الوجهه في الارض عدل وهي تجرك.. مشينا امامهن طلع فيه ستات بتضرب بالشلاليت...دخلنا وطلعنا لقينا في الدخول الصوره متوقفه وثابته من ٣٠ سنه وفي الخروج الصوره بتتغير كل ٣٠ ثانيه..وبعدين مافيش بيجامات رياضه علي مقاسها كل يوم كشري ومحشي..جبنا بيتزا كان الرد علي الباب علي راي ستي.. ياما جاب الغراب لامه..استعمنا الرقه والكلمات الجذابه..كان الرد ياصغير يانونه انت بتعاكسني...انت فاكر نفسك ماشي علي الكورنيش.اما حكايه الحراره دي واحد صاحبي غلبان شاف مراته في حجره النوم حط ايده علي جبهته وظل يردد شفتك فين..؟شفتك فين قبل كده.؟؟بالله عليك لو كنت مكاني تعمل ايه..ايام مفترجه وعلي راي ستي.. يابخت من بات مظلوم.والله يرحمك ياستي
المشاركات
هناك تعليقان (2):
ممكن لو تكرمت تعرفنا الرجل المسكين ده نزل على الارض كام حتة انا لما شفت الصورة حمدت ربنا اني السور عالي يعني مش هيترمي برة السور احفظنا يارب.
صالح البدري
مرحب يااستاذ صالح
دلوقتي ماحدش بينظر لذات الدين ولا لذات الجمال انما النظر لذات اليد الضعيفه بحيث اذا حصل مشكله لقدر الله ماينضربش بالمرزبه او علي الاقل يقدر يقاوم حتي يصل لاقرب مركز اسعاف وهو واقف علي قدميه...باشا
إرسال تعليق