مين يتجوز سوسن

مين يتجوز...سوسن....؟

سؤال يشغل بالي ومحيرني وما خلانيش انام واصبح انشوده كل صباح علي لسان زوجتي ام سوسن..كانت سوسن زهره وحلم لاي ام تملاء البيت ضحكات وحركات بضفائرها ورشاقتها مثل الفراشه تاوي الي غرفتها من الثامنه مساء ولا تسمع لها حس تذاكر دروسها علي موسيقي هادئه و تتجول في البيت مثل النمل الفارسي اثناء بحثه عن السكر الذي نجحت زوجتي في اخفائه مع مصوغاتها الذهبيه خوفا عليه من النمل..كبرت سوسو واصبحت شابه وكانت تذهب معنا الي النادي وفكرت زوجتي في اشغال وقت سوسو بانضمامها الي اي نشاط صيفي في النادي بدون تدخل لاجبارها علي الاختيار واختارت سوسو نشاط جديد في النادي وانتشر حديثا في مصر وشجعتها زوجتي بقوه وسكت الباشا حفاظا علي الديمقراطيه والاغلبيه ومهلبيه قاسم امين ..اختارت سوسو ان تنضم لفريق كره القدم النسائيه واجتازت الاختبارات وتفوقت واثبتت وجودها في الفريق وحققت انتصارات وبطولات علي مستوي الانديه واصبحت كابتن الفريق واصبح الباشا ابو الكابتن سوسو ووكيل اعماله اذهب معها للتدريب واذهب معها للمباريات في مدن ومحافظات الوجهين ولم يصبح لدي رصيد اجازات ولا اعتيادي ولا مرضي ولا طاريء ولا سنوي والمرتب اصبح هزيل اصابته البلاجرا حتي بعد الزياده والعلاوه التي راحت هدر لشراء المزيد من الملابس الرياضيه والاغذيه والخضروات الطازجه للحفاظ علي صحه الكابتن سوسو واصبحت زبون معروف لدي محطات البنزين بعدما كنت اذهب مره في الاسبوع اصبحت ثلاثه واربعه حسب مكان المباريات وسخونه الدوري ثم ادمنت التزويغ من العمل وانكمش المرتب بعد الخصومات وزوجتي مازالت تشجع سوسن علي الاستمرار املا في ان تصبح نجمه مشهوره ولاعبه محترفه تتخاطفها الانديه بالملايين ويعم الخير واشارتنا تبقي خضرا وحياتنا تبقي بمبي مسخسخ وكلما شكوت للمدام عن نقص الرصيد ترد بثقه ياباشا اعتبر بتستثمر فلوسك في بنتك ..ياباشا استبشر خير بكره تدوق وتعرف العز وبيني وبين نفسي ولا عاوز ادوق العز ولا حتي عاوز اعرفه ده تقريبا كل مصر بتدعي عليه ومرت الايام واهي غلطه ومش هتعود ياثومه اقصد يامدام واشتهرت سوسو في المنطقه بانها لاعبه تجيد التصويب والتسديد من بعيد وتحرز اهداف صعبه وزاد تمسك النادي بها وزاد تشجيع المدام لها والباشا زاد الضغط عنده وجاله السكر من الكلام اللي بسمعه من الجمهور اثناء المباريات وحسب الحاله المزاجيه للجمهور احيانا اسمع هتافات تسعد وتنشرح لها المدام زي...سوسو ياسوسو يامعلم..خلي الشبكه تتكلم..وزي سوسو ياسوسو يامدرسه...لعب وفن وهندسه واحيانا كثيره اسمع هتافات ترفع الضغط وتجعلك تلعن اليوم اللي وافقت فيه علي الديمقراطيه الفالصو والمساواه المستورده وتجعلك تدعي من قلبك علي قاسم امين ..هتافات زي ياسوسو روح...امك اتصلحت...وزي العبيطه اهيه... وتشعر ان المدرجات كلها تنظر اليك وبدوري انظر الي المدام فهي ام العبيطه وصاحبه الفكره وعند الرجوع للبيت تقابلك نظرات اهالي المنطقه وتعليقاتهم.. ياباشا بنتك كده...بنتك رجلها حلوه.. عارفه طريق الجون..واحيانا تسمع دعوات الله يخرب بيتك الدوري راح مننا كل ده علي اعصابي واصبحت مدمن كركديه علشان ادويه الضغط سعرها نار ومش متوفره مع ان الناس كلها ماعندهاش سوسو بس عندها ضغط من اي حاجه من سعر الحديد او من البطاله او من طابور العيش او من التلفزيون او من القوانين المسلوقه او من اكاذيب وبلح الجرايد الحكوميه او من الزحمه او من التلفزيون والمذيعيين او من الثانويه او من الضريبه العقاريه المهم اي ضغط واي سكر.. جلست واضعا يدي علي خدي استرجع ايام سوسو ام فينكه علي شعرها وظفيره علي ظهرها وكتب المدرسه علي صدرها وكان املي وحلمي انا وامها يوم فرحها في الكوشه قاعدين جنبها ودلوقتي سوسن عندها سبعه وعشرين سنه ولم يتقدم لها احد لانها لاعبه كره والباشا فقد وظيفته بسبب التغيب المستمر والمدام ضاعت احلامها بالحصول علي الملايين من افكارها وبنتي سوسو ضاع مستقبلها واعتزلت النادي وانضمت لجمعيه عوانس المطالبين بالمساواه وتقليد الغرب... واخيرا كانت عندي شقه اقوم بتاجيرها في الصيف وكان عليها يافطه مكتوب عليها شقه للايجار من بكره هغيرها واللي اختشوا ماتوا واكتب عليها...مين يتجوز سوسن..؟؟