وبعدين في الليله البمبه دي عن نفسي اموت في البمبه ليس بفتح الباء ولكن بشدها بفتله اوبضمها بفينكه
ولا ادعي اني خبير بالنحو ولا بالفتح ولا الضم ولا الرفع.. ولكني من عامه الشعب صحيح اسمي الباشا
ولكن هذه الليله خلينا من عامه الناس. ولست خريج ازهر ولا شريعه ولا ادعي الفتوي بغير علم
ولا رد كلام الدعاه او الشيوخ الاجلاء فانا يشهد الله اني احترم الجميع لانهم ببساطه اكثر مني علما ودرايه باحكام الدين
بس بصراحه ماسمعته جعلني ودفعني لكتابه هذا الموضوع وقد اكون خاطيء ومخطيء وغلس كمان بس اعمل ايه... بدايه كلنا يعرف ان الدين يسر ولن يشاد الدين احد الا غلبه وكان صلي الله عليه وسلم اذا خير بين امرين اختار ايسرهما والله عز وجل جعل رخصا في امور كثيره للتيسير علي خلقه وهناك ا؛كثير من الآيات والاحاديث تشير وتامر لليسر والتسامح في امور دينيه ومسائل شرعيه وفقهيه كثيره منها العبادات.. المهم ما اذهلني ان احد الدعاه ساله المذيع في برنامج شهير عن قراءه المراءه للقرآن بقميص النوم فقال له ماشي جاء الداعي بآيه يذكرون الله قياما وقعودا وعلي جنوبهم وذهولي ليس علي ماقيل للقراءه والانسان نائم فقد يكون مريضا او انه يراجع في سره او له عذر آخر ولكن الذي اذهلني هو حكايه القراءه بقميص النوم للمراءه.. مش عارف حبكت... يعني طيب
تصبر شويه،، تخلص قراءه وبعدين تلبس القميص ..واللي اعرفه انه اذا اردت ان تكلم الله عز وجل فادخل في الصلاه واذا اردت ان يكلمك الله فاقرأ القرآن وابسط قواعد الادب ان نحتشم ونستر انفسنا مع الله او عند الحديث مع الله
وبعدين ازاي واحده متجوزه جديد مثلا وفي الفراش بجوار زوجها وبقميص النوم ومعها المصحف وبتقرا ...
بصراحه مش داخله دماغي افرض اثناء القراءه وصلت لسجده تلاوه الحل ايه،؟ هتسجد علي السرير ولا هتقوم تسجد علي الارض ولا هتطنش ولا هتطفي النور.. طبعا جوزها منتظر اي حركه تدل انها انتهت من القرآءه اعتذر علي سرد الموضوع بهذه الطريقه
واستغفر الله اذا كانت سخريه او فهم منها كذلك
كنت اتمني ان يرد الداعي علي المذيع ويقول له هي حبكت خلاص في حاجه اسمها حشمه وتادب مع كتاب وكلام الله في حاجه اسمها جلابيه او عبايه او اسدال للصلاه او ملابس حشمه ..وبعدها تلبس البمبه وابو سفره وام دولي
اخشي ان ياتي احد الدعاه ويكون كاجوال ويعرضها شويه ويبحبحها اكتر ويقول طالما قميص النوم ستره يبقي اللحاف اولي بلاش القميص وسمع لمراتك ياجحا تحت اللحاف
ارحمونا يرحمكم الله.مالكم لا ترجون لله وقارا..؟
الدين يسر وليس كاجواال.. الدين يسر وليس تفريط
اذا كان الرب يستحي من العبد الا يستحي العبد من الرب؟؟؟
نريد ان نربي جيل علي احترام وتبجيل كتاب الله والتادب مع الله في كل شيء حتي نستطيع ان نلوم ونغضب اذا اهان الغرب مقدساتنا
المشاركات
ليست هناك تعليقات:
إرسال تعليق