![](https://blogger.googleusercontent.com/img/b/R29vZ2xl/AVvXsEg5h-CyPGeUugpdzS2JxVG16sMlgw_TP9CQURct6raMkKMxQQq6jtEJ34EgRXdFoaRxiP6lmoNWkVnYlxjX-0yCu8Ugw7DNX8bgmG6bB5zsG-Rqn4vaFhgRA8700LotJPEUfGcnN442renN/s320/%D8%B4%D9%8A%D8%A7%D9%83%D9%87.jpg)
![](https://blogger.googleusercontent.com/img/b/R29vZ2xl/AVvXsEjHqDT4Ivm-0He6r7Fh0M3gSbgoTfD4t1hCk_Nv4QJBhV71pvdZVa1RrV2XKazo3t7UnpkulH5JgOyJ5C0AXGqrNvKCNGVCZw-qYq-wnT52RzwaWwkYi6SHosZhfCY6HBE9fw1naQTeJ2WY/s320/%D8%B1%D9%8A%D9%81%D9%8A%D9%87.jpg)
كانت تجمع الخبز الناشف من الاحياء الفقيره وتبيعه لمصانع علف الحيوان وفي وقت الاجازه عملت في مصنع للتعبئه وبعدين ربنا كرمها اشترت ترابيزه وكرسي وقعدت في السوق لتبيع منتجات غذائيه وبعدين مشيت معاها انتقلت من السوق الي الميدان.. لعبت البليه معاها عملت شركه ومكتب سبحان العاطي اخدت قرض من بنك لمساعده المشروعات الصغيره اقامت مصنع وتوسعت تجارتها واعمالها اشترت شركه بكامل فروعها ربك لما يعطي حصلت من الحكومه الايرانيه علي حق توزيع النوع النادر فقط من المنتج..ادهشتني وانا بالصدفه اشاهد التلفزيون وشددتني لمعرفه قصتها وبحثت عنها في النت لاعرف اكثر عن هذه السيده التي قالوا عنها انها الملكه وانها الامبراطوره وانها تدخل ضمن قائمه اغني واقوي خمسين امراءه في العالم سبحان مغير الاحوال من لم وجمع العيش الناشف في الحواري الي جمع الملاييين وهي لا تقبل الشراكه وتحب ان تكون وحيده لان الخبره علمتها ذلك تمتلك مزارع في الصين وايران وتعتبر سيده الشرق الاوسط في ذلك المجال تعمل في منتج سعر الجرام خلوا بالكم الجرام والكيلو فيه الف جرام يبدا سعر الجرام لاقل جوده واردئ نوع من المنتج 8دولار وتصل حسب الجوده الي 50 دولار ده الجرام اضرب في 1000 يديك سعر الكيلو بالدولار وبعدين اضرب في سعر الدولار النهارده يديك سعر الكيلو بالجنيه وبعدين اضربني علي ضهري علشان الزغطه وطاسه الخضه اللهم لاحسد السيده الاماراتيه تعمل في الكافيار وهو بيض لسمك يسمي الحفش ويوجد ببحر قزوين ويحتوي علي 48 نوع من الفتامينات وانواعه الالماس والبالوغا وسينفوركا.اسم السيده حمده الحريزي من عيش ناشف الي كافيار علي طبق الماس طيب دي هتتجوزني انا ليه وباماره ايه دي واحده والتانيه بنت ناس ذوات عشقتني مش عارف علي ايه رقيقه وجميله بالشوكه والمعلقه وطيبه قوي تقترب من الساذجه وخبرتها في الحياه والتعامل مع البشر معدومه سهل ينضحك عليها ونظام مصيف كل تلات شهور مع فصول السنه وابوها منصب كبير ينفع في اي زنقه ويفتح اي باب مع اعتذاري للطفاشه واكيد دي مكلفه في تجهيزها ومهرها وبعدين لو زعلت او اتقمصت ابوها يبعني لاي تاجر من زحل كوكب ورا الشمس بسنين والتالته تعمل في وزاره الجمل ابو كادر ترجع بعد عناء العمل ومعها كشاكيل التلاميذ وتفرشهم علي ترابيزه الاكل للسادسه مساء وبعدها يرن جرس الباب لاستقبال طلبه الفصل كله للدرس الخصوصي وبعدها تقوم تتعشي وتنام وهلم جرا ودي اكيد ماعندهاش وقت ولا صحه وهتفنش بدري والعروسه الرابعه حاجه كده زغليلي من منطقه شعبيه جمال يروشك ويخليك تكلم نفسك ونظام ملايه لف ولبان دكر وتمشيه في العصاري بصراحه تتعب والاصل في الجواز الراحه والعروسه الخامسه مننا وعلينا من العيله نظام البيت جنب الغيط مش مكلفه ومن غير حب ولا مهر نظام عزومات وسمنه بلدي وفته وعكاوي وملل وبطيخه وانا راجع وهي شغاله في الحكم المحلي والدور اتلم بس مش ده الجواز والعروسه اللي قبل الاخيره شابه متخرجه جديد وطموحه بزياده وهيدفون وضاربه اصفر فوق وعاوجه لسانها حتي كلمه مرسي تحس انها اتظلمت مش عارف مافيش قبول بس في حموضه والعروسه الاخيره متدينه جمالها عادي وطبيعي وبتفهم في الاصول بيقولوا جدعه سالت يعني ايه جدعه قالوا يعني اصيله وتعمر وتسندك وتسترك وعاقله جدا ومحافظه ومتعلمه بس مش شغاله يعني هشيل القعده يعني هشيل جبل المقطم علشان بس اقرا الفاتحه المشكله ان مافيش شاب حافظ الفاتحه
هناك 4 تعليقات:
هههههههههههههههههههه
انا ابعتلك الفاتحه فى sms
ههههههههههههههههههههه
مش محتاجه يعنى
وبعدين انت بدور على عروسه امال ايه زوجتى شقراء وامى سمراء انت طلقت الشقراء هههههههههههه
ماشى ياباشا رائع كالعاده
حنين
ياريت ابعتيها بسرعه قبل ماتغيري رايك
اشكرك علي اهتمامك وزياراتك دي تجعلني ان احافظ علي هذا المستوي ههههههههمستني الفاتحه،،،باشا
ومش عاوز منى حاجة!!
أبعت لك كما رباط شاش !
وشوية أنتى بيوتك!!!
ومتخافش حيكون برشام مش حقن!!!
ولا انته عامل حسابك!!!
هههههههههههههه
شكرا يادكتور علي راي ستي يانحله ولا عايزه عسلك.. ولا عايزك تقرصيني..استعد بس للعزومه ولا اقولك بلاش انا اللي هعزمك
إرسال تعليق